ກອງປະຊຸມວິຊາການ ແລະ ພິທີເປີດສູນການຮ່ວມມື ສະຖາບັນ ຈິງຊື້ ພື້ນຖານການສົ່ງເສີມການຢູ່ຕ່າງປະເທດ ຈີນ+ວິຊາຊີບ ( ລາວ )

ລະຫວ່າງ

ວິທະຍາໄລເຕັກນິກປາກປ່າສັກ ກັບ Shanghai Urban Construction Vocational Beijing  ແລະ Huatec Information Technology Co.,Ltd

ຕອນເຊົ້າ ວັນສຸກ, ວັນທີ 19 ພະຈິກ 2021 ນີ້ທີ່ວິທະຍາ​ໄລ​ເຕັກນິກ​ປາກ​ປ່າ​ສັກ ​ໄດ້ເປີດກອງປະຊຸມວິຊາການ ແລະ ​ພິທີເປີດສູນການຮ່ວມມື ລະຫວ່າງວິທະຍາໄລເຕັກນິກປາກປ່າສັກ ກັບ ວິທະຍາໄລເຕັກນິກການກໍ່ສ້າງຊຽງໄຮ້ ແລະ ບໍລິສັດປັກກິ່ງຫົວເຊີງຈິງຊື້ ຈຳກັດ ໂດຍການເຂົ້າຮ່ວມຄະນະນຳຈາກ3 ​ຝ່າຍ ຄື ທ່ານ ສາຍຄຳ ພັນທະວົງ ຮອງຫົວໜ້າກົມອາຊີວະສຶກສາ ກະຊວງສຶກສາທິການ ແລະ ກິລາ, ທ່ານ ບຸນເພັງ ສົມຈັນມະວົງ ຜູ້ອຳນວຍການ ວິທະຍາໄລເຕັກນິກປາກປ່າສັກພ້ອມດ້ວຍຄະນະ, ທ່ານ ໂຢ້ວເວີ້ຍ ຜູ້ອໍານວຍການສູນສຶກສາສາກົນລາວ-ຈີນ ປະຈຳວິທະຍາໄລເຕັກນິກປາກປ່າສັກ ແລະ  ທ່ານ Du Kewei ຫົວໜ້າສູນການຮ່ວມມືສາກົນ, ກະຊວງສຶກສາທິການ ສປ ຈີນ, ທ່ານ Zhang Yu ປະທານບໍລິສັດ ບໍລິສັດປັກກິ່ງຫົວເຊີງຈິງຊື້, ທ່ານ Guo Hongtao ວິທະຍາໄລເຕັກນິກການກໍ່ສ້າງຊຽງໄຮ້ ພ້ອມດ້ວຍຄະນະເຂົ້າຮ່ວມໃນພິທີ ເປັນສັກຂີພິຍານ ໂດຍຜ່ານລະບົບອອນລາຍ.

ການຮ່ວມມືດັ່ງກ່າວແມ່ນເພື່ອຊ່ວຍເຫຼືອ ແລະ ການພັດທະນາຊັບພະຍາກອນມະນຸດແບບຍືນຍົງ, ເປັນການເຊື່ອມໂຍງການຖ່າຍທອດທັກສະຄວາມສາມາດ, ການແບ່ງປັນວັດທະນາທຳດ້ານພາສາຈີນ ແລະ ເທັກນິກການນໍາໃຊ້ຄອມພິວເຕີທີ່ທັນສະໄໝ, ເປັນການມືການກໍ່ສ້າງແບບມືອາຊີບ ຂອງຄະນະຜູ້ບໍລິຫານວິທະຍາໄລເຕັກນິກການກໍ່ສ້າງຊຽງໄຮ້ ແລະ ບໍລິສັດປັກກິ່ງຫົວເຊິ່ງຈົງຊື້ ຈຳກັດ ລວມທັງການສະໜັບສະໜູນ ແລະ ຊີ້ນໍາຢ່າງໃກ້ຊິດຈາກສູນການຮ່ວມມືຕ່າງປະເທດ, ກະຊວງສຶກສາທິການ ສປ ຈີນ, ເຊີ່ງເປັນນິມິດໝາຍສາຍສຳພັນໄມຕີຂອງສາຍພົວພັນ 2​ ພັກ, 2​ ລັດ ແລະ ປະຊາຊົນ 2​ ຊາດ ລາວ-ຈີນ ໃຫ້ນັບມື້ນັບເຂັ້ມແຂງ ແລະ ຍືນຍົງຕະຫຼອດໄປ.

ການຮ່ວມມື ທັງ 3 ຝ່າຍ ໄດ້ລິເລີ່ມ ບົນພື້ນຖານຄວາມຮັບຮູ້, ຄວາມເຂົ້າໃຈ ກ້າວສູ່ການຈັດຕັ້ງປະຕິບັດຕົວຈິງ ເພື່ອການກະກຽມຄວາມພ້ອມດ້ານຕ່າງໆ ໃນການປະເຊີນໜ້າ ແລະ ຮອງຮັບກັບການປ່ຽນແປງຂອງເຕັກໂນໂລຊີ, ທັກສະແຮງງານທີ່ຈໍາເປັນຂອງຄົນລຸ້ນໃໝ່ໃນສັດຕະວັດທີ 21, ສົ່ງເສີມການສຶກສາຄົ້ນຄວ້າ ຮຽນຮູ້ ແລະ ແລກປ່ຽນວັດທະນະທໍາອັນຍອດຍິ່ງ ແນໃສ່ການພັດທະນາຊັບພະຍາກອນມະນຸດໃຫ້ມີຄວາມຮູ້ ຄວາມສາມາດ ປະກອບສ່ວນພັດທະນາປະເທດຊາດໃຫ້ຫຼຸດພົ້ນຈາກສະຖານະພາບປະເທດດ້ອຍພັດທະນາ ກ້າວສູ່ ຄວາມມັ່ງຄັ້ງ ແລະ ເຂັ້ມແຂງ. ການເປີດສູນການຮ່ວມມື ສະຖາບັນຈິງຊື້ ຈະປະກອບດ້ວຍຫ້ອງທົດລອງເຊິ່ງປະກອບເຄື່ອງຄອມ ພິວເຕີ ຈຳນວນ 15 ເຄື່ອງ, ຈັກປິ່ນເຕີ 1 ເຄື່ອງ ແລະ ເຄື່ອງສາຍໂປເຈັກເຕີຈຳນວນ 1 ເຄື່ອງ ເພື່ອຈະດໍາເນີນການຝຶກອົບຮົມ ໃນສາຂາວິຊາເທັກໂນໂລຊີການສື່ສານໃຫ້ແກ່ຄູສອນ ໃນຂົງເຂດອາຊີວະສຶກສາເພື່ອ​ດໍາ​ເນີນ​ການ​ພັດ​ທະ​ນາ​​ການ​ສອນ ​ແລະ ​ການ​ຝຶກ​ອົບ​ຮົມ​ຕາມ​ທິດ​ທາງຂອງເຕັກ​ໂນ​ໂລ​ຊີ​​. ສາມາດເວົ້າໄດ້ວ່າ “ວິທະຍາໄລ ວິຊາຊີບ​ກໍ່​ສ້າງ​ ​ຊຽງ​ໄຮ້-ວິທະຍາໄລ ເຕັກນິກ ປາກປ່າສັກ ສະຖາບັນ ​ຈີງ​ຊື້” ເປັນການປະດິດສ້າງຂອງທັງສາມຝ່າຍ “ວິທະຍາໄລ-ວິທະຍາໄລ-ວິສາຫະກິດ”, ການຮ່ວມມືກໍ່ສ້າງແບບມືອາຊີບ, ການແບ່ງປັນເຕັກໂນໂລຊີ ແລະ ຍັງເປັນການເຊື່ອມໂຍງກັບສາກົນ, ການ​ຜະລິດ ​ແລະ ​ການ​ສຶກສາ​ລະຫວ່າງ​ຈີນ​ກັບ​ລາວ, ໝາກຜົນ​ຂອງ​ການ​ຮ່ວມ​ມື​ດ້ານ​ການ​ສຶກສາ ​ແມ່ນ ​ມີ​ຄວາມ​ໝາຍ​ອັນ​ໃຫຍ່​ຫຼວງ​ຕໍ່​ການ​ລົງ​ເລິກ​ການ​ແລກປ່ຽນ​​ລະຫວ່າງ​ສອງ​ປະ​ເທດດ້ວຍຄວາມເຊື່ອໝັ້ນ ຕໍ່ຄວາມເອົາໃຈໃສ່ຢ່າງຈິງໃຈ ຂອງຄະນະນໍາ ຄະນະບໍລິຫານ ແລະ ຄະນະຮັບຜິດຊອບດ້ານຕ່າງໆ ຂອງທັງ​ 3 ຝ່າຍ ຈະເຮັດໃຫ້ບັນດາແຜນງານ ໜ້າວຽກ ແລະ ກິດຈະກໍາ ທີ່ໄດ້ຄົ້ນຄວ້າ ແລະ ຕົກລົງຮ່ວມກັນ ຈະໄດ້ຮັບການຈັດຕັ້ງປະຕິບັດຢ່າງເປັນຮູບປະທໍາ ໃຫ້ເກີດດອກອອກຜົນ ມີຜົນສໍາເລັດຢ່າງຈົບງາມ ດ້ວຍຄວາມຮັບຜິດຊອບສູງ ແລະ ມີຄວາມຄາດຫວັງວ່າ ໂຄງການຮ່ວມມືດັ່ງກ່າວ ຈະກາຍເປັນການຮ່ວມມືຕົວແບບໃນອະນາຄົດ ໃນແນວຄວາມຄິດລິເລີ່ມ “ ໜຶ່ງແລວ-ໜຶ່ງເສັ້ນທາງ”