ໃນວັນທີ 24 ມິຖຸນາ 2021 ກອງປະຊຸມເຜີຍແຜ່ ແລະ ເຊື່ອມຊືມມະຕິກອງປະຊຸມໃຫຍ່ຄັ້ງທີ XI ຂອງຄະນະພັກປະຊາຊົນປະຕິວັດລາວ ແລະ ມະຕິກອງປະຊູມຄັ້ງທີ IX ຂອງອົງຄະນະພັກກະຊວງສືກສາທິການ ແລະ ກິລາ, ແຜນພັດທະນາການສຶກສາ ແລະ ກິລາ 5 ປີ (2021-2025) ແລະ ຜົນສຳເລັດ ກອງປະຊຸມວຽກງານກວດກາທົ່ວປະເທດ 5 ປີ(2016-2020) ສຳລັບຄະນະພັກຮາກຖານ  ກົມອາຊີວະສຶກສາ, ວິທະຍາໄລເຕັກນິກປາກປ່າສັກ ແລະ ວິທະຍາໄລເຕັກນິກລາວ-ເຢຍລະມັນ

ໂດຍເປັນກຽດເຂົ້າຮ່ວມເປັນປະທານ ແລະ ບັນລະຍາຍເຊື່ອມຊືມໂດຍ ສະຫາຍ ໜູພັນ ອຸດສາ ຄະນະພັກກະຊວງ, ເລຂາໜ່ວຍພັກ, ຫົວໜ້າກົມອາຊີວະສຶກສາ, ເຂົ້າຮ່ວມໂດຍສະຫາຍ ສາຍຄຳ ພັນທະວົງ ຮອງເລຂາໜ່ວຍພັກ, ຮອງຫົວໜ້າກົມອາຊວະສຶກສາ, ສະຫາຍ ບຸນເພັງ ສົມຈັນມະວົງ ເລຂາຄະນະພັກຮາກຖານ ວິທະຍາໄລເຕັກນິກປາກປ່າສັກ, ສະຫາຍ ຄຳສະໄຫວ ເລຂາຄະນະພັກຮາກຖານວິທະຍາໄລເຕັກນິກລາວ-ເຢຍລະມັນ ນອກນັ້ນຍັງມີ ຄະນະພັກ, ສະມາຊິກພັກ ທັງກົມອາຊີວະສຶກສາ , ວິທະຍາໄລເຕັກນິກປາກປ່າສັກ ແລະ ວິທະຍາໄລເຕັກນິກລາວເຢຍລະມັນເຂົ້າຮ່ວມ

ໃນກອງປະຊຸມໄດ້ນຳໃຊ້ມາດຕະການປ້ອງກັນ,ຕ້ານ ແລະ ສະກັດກັ້ນການແຜ່ລະບາດຂອງພະຍາດ covid-19 ທາງວິທະຍາໄລເອງ ກໍ່ໄດ້ວາງມາດຕະການປ້ອງກັນໃນກອງປະຊຸມຄື: ມີເຈວລ້າງມື, ໃສ່ຫນ້າກາກອານາໄມ ແລະ ເວັ້ນໄລຍະຫ່າງ.

.